مغترب دنيا
عمري اللي كتبته في سطور
مابقى له في حياتي من شعور
كانت ايامه به الدنيا خداع
راح عمري بالرجاوي والدموع
ملت عيوني تنادي بالرجوع
آه ياحظي تعثرت وفشلت
ليت لي حظٍ يفوز بكل شي
**
مغترب عمري وعمري في اغتراب
بين هم الروح وعيون السراب
مرتحل في كل يومٍ بالرجا
أرتجي ربٍ كريمٍ بالعطاء
والأمل أبعد عن القلب الحزين
وانتهت حتى الأماني والحنين
**
والخفايا من غيابك وش تكون؟
حيرت بالٍ يِدَوّر لك جواب
لكن المجهول
أبعد بالحلول
واستمر الحال
يكثر بالسؤال
ومايفيد عتاب وانتي غايبة
وما أبي الأسباب نفسي طايبة
يرحمك ياروح أظناها السهر
وامتليتي جروح واشقاك القهر
**
وعمري اللي فالشقا دايم صبور
إلتجا لله غَفَّارٍ شكور
يحفظه من كل أطوار الضياع
قبل يحين الموت ويصير الوداع
ليتني أقدر أموت براحتي
وانتهي من وَعْد وسنين انتظار
بس يوم الموت ماهو بساعتي
والحرام اني أفكر في انتحار
ومن أفكر في تجاهل أو برود
أو تَغَلِّي أو تَبَلُّد أو جمود
وتقصدين بكل شيٍ تسلية
لاتظني هامتي تنزل خضوع
مغترب دنيا يعيش بعزته
**
وليتك تعرفين وش في خافقي
من حنان ومن شعور ومن غرام
وما أبي أجبرك وفي توافقي
أو أعيش احساس كاذب في ظلام
**
ودي إنك تقنعين بقسمتك
مثل ما قلبي قَنَع من قسمته
وماقدرتي تكَمّلِين برسمتك
وآنا قلبي قد خَلَص من رسمته
**
وش يقول اللي يكلمه السكوت؟
مثل قلبٍ يحلم بهمسات صوت
وعمري اللي فالهوى مثل الزهور
ماتت بّسّبَت تجاهل فالشعور
مابقاله غير لحظات الوداع
*****
4/10/1426هـ
جفاف العمر