السلام عليكم ورحمة الله وبركاته
هذي قصه حلوه منقوله
وحبيتكم تشاركوني فيها

قنوات تالي الليل في بيت ابوهديل

موضوعنا فيد النهارده يحتسي عن الاستاز ابو هديل والاستازه ام هديل وبنتهم الصغننه هديل وحذيان ابو كريم : محسن جابر - عالم العفن

تجودو بدت القصه وتنتقل بنا الكاميرا الى داخل بيت ابو هديل ونجد جو اسري مليء بالحب والحنان ، والتفاهم النادر في هذا الزمان حيث ام هديل تناقش ابو هديل في امور ثقافيه بحته

ابي السوق ، ابي ساعه ، ابي طقم الماس ، ابي فستان ، ابي هيلكوبتر ، ابي فوق الشجره <<<< اصلا الـ DNA حق حريمنا تركيبته تخلي اي سالفه تبدا بكلمه ( ابي ) اما كلمه ( خذ ) فهذي ملغاة ومشطوبه من القاموس ومحذوفة من الحامض النووي بكبره

<<<< يقرا الجريده وفي نفس الوقت يصغي باهتمام لمطالب زوجته ومن زود الاهتمام عادها هي والجدار واحد

بابا ابي ثبيث دووون <<<< اول خير بدا الـ DNA حق (ابي) يشوف شغله Tpb01

وش هي تقول يام هديل
تقولك تبي سبيس تون ، وانا بعد تراي ابي سياره ، وابي طياره ، وابي عماره ، وابي بياره <<<<< تستغل اي فرصه وتدعس فيها الـ ابي
وعلى فكره ترا فيه فرق كبير بين الابي حقت المرأه وبين الايبي حق الانترنت
الايبي حق الانترنت تقدر تحدد مصدره وتوقيته واستخدامه Tpb01 اما الابي حقت المرأه فيستحيل ان تتكهن وش تبي ولا متى تبي ولا ليش تبي وتقف امامها مكتوف الايدي مثل ما تقف مدينة الملك عبدالعزيز قدام واحد لعنه داخل ببروكسي ويتصفح الي يبي غصب عليهم وعيونهم طايره

ليش يا حبيبتي تبين سبيس تون
بابا فلم ترتون(كرتون) حق التلفذون (التلفزيون ) قديم مره وكل يوم يعيدونه Tpb05
وانتي صادزه يا بنيتي ، انا اخبر جدي يقول ان الشريط حق توم وجيري هذا كان هديه من والي اسطنبول لابن رشيد حق حايل والشريط حق بنك بانثر متقاطين به تشرتشل وموسوليني لابن معمر
همن يوم فتح الملك عبدالعزيز الرياض وحايل لقا ذولي الاشرطه وعطاهن وزراة الاعلام ومن ذاك اليوم الى يومنا وهم يعيدونهن باليوم سبعطعش مره وبالاعياد والاجازات تذبحهم الكلافه ويعيدونهن 355 مره
ايه بابا التلفذون وع كل ثوي يطلع ثليمان العيدي <<< حتى البزران متاذين منك يا سليمان Tpb01

سمي وما يصير خاطرك الا طيب الا بنيتي

وطمر ابو هديل لشارع الدشوش واول ما لبق الموتر جا لمه هندي وقال له
كيف هال سديق
من انت Tpb02
انت مافي مئلوم انا ، لكن انا كل يوم سوي زياره اكلاع وسوف كلو موضوع ومعلوم كلو نفر بس انا مافي يوزر ومافي يوكتب <<<<<<< النصبه الأزليه لثلاثة ارباع اعضاء الاقلاع بالمسنجر
قديمه كان غيرك اشطر ولو بحلف انك مسجل بالاقلاع قبل الممرور
افا طهت بي يالنكبه Tpb01 سوف سديق انتا يبقى كرت انا موجود مافي مسكل
وش كرته Tpb04
هزا في كرت ميه ميه امممممممممممممممممح
وش تقول انت
سديق انت دلخ ولا تستدلخ طاعونين كود احتسي عليك باللغه القصمنجيه عشان تفهم Tpb01 اويلي ويلاه يا بيي عندي لك كرتن يحبه قليبك كرت يحلب لك السما حلب ويفك من ذيتس الشفرات الغبدزه حقات القنوات الي يتسمدن الراس من الي وصى عليهن الدكتور ذوليتس الي مهب يشتغلن الا تالي الليل يوم الخلايق نياما <<< كومار بن لعبون
نياما صح لسانكTpb03
سه بدنك يا شيك هاه يبقى ولا ما يبقى

<<<< تنهد ابو هديل Tpb05 ورجع بذاكرته الى الوراء وصدم عامود وهو مريوس لان ذاكرته مافيها حساسات <<<<<<<< دعايه مدفوعه الثمن من عبداللطيف جميل Tpb01
وعاد بالذاكره الى ما قبل 15 سنه يوم خوياه بالرياض مستاجرين استراحه بحفر الباطن عشان يغبون فيها دش وماغير رايحين راجعين مع خط الحفر ومتلطمين عن الفشيله pb010 لان ذاك الوقت اشرف لك عند الناس يقال عنك مدمن مخدرات ولا يقال عنده دش <<< واخزياه واعيباه Tpb07
وتذكر تلك الايام السودا التي كان يتكي فيها عند الام بي سي من الصبح للساعه 10 ونص بالليل وهو هاج خشته والسعابيل تتقاطر من براطمه وعيونه مبققه يحتري برنامج ما يطلبه المشاهدون فيد رانيا برغوث واما اذا صارت ذاك اليوم مخربتها ولابستن بنطلونن ضيق اللهم احفظنا اغمي عليه اسبوع قدام التفزيون من الشفاحه <<<<< معذروين بلاهم ازين مره شافوها بالقناة الاولى كريمه مختار

الله يالدنيا Tpb02 ذاك الوقت بنطلون رانيا برغوث يعتبر رمز للانحلال الاخلاقي وقلة الحيا والي يناظره ذا مير مارج فاسق زنديق ، يسخطه الله ويدخله بسط بريق

وتدرجنا تدرجنا لما الحين وصل بنا الحال ان كروت القنوات الاباحيه تباع بالشارع وعلى عينك يا تاجر Tpb04 وما يندرى وش يصير بنا باتسر والله يستر من الي جاي وخوفي يجي اليوم الي توزع فيه كروت ذي القنوات هدايا للطلبه المتفوقين وتعطى هديه مع البكلات بمحلات ابو ريالين

المراد مالكم بالطويله واشترى صاحبنا دش ووجهه على النايلسات ، وقعد يفرك في القنوات ، ويدور سبيس تون ، والعايله الكريمه حاضرين ويشوفون ، وطلعت له قناة اسمها مزيتسا وطلعت فيها ذيك العابدة الزاهده الي يقاله اليسا ومن كثر الزهد والورع مافي بيتهم الا كرسي واحد ، وطول الكليب وهي قاعده بحجر ذاك الواحد <<<<<< بعذرها يا ناس البيت مافيه الا كرسي وذا قليل المروه قاعد عليه يعني وش تبونها تسوي ؟؟ تبتل واقفه لما يجيها دوالي Tpb04 ؟؟ دي الضرورات بتبيح المحظورات يا قماعه لذلك اختارت اهون الضررين وقعدت بحجره <<<<< لله درك يا شيخه اليسا الخسيسا

ومن حرة تسبده من ذا النذل قعدت تغني وتقول



اجمل احساس في الكون
انك تكون للنعله مديون
ودا حالي معاك
كل يوم تقول سلفون
والديانه وراك يطردون
يحوم التسبد هواك
يا ويلي يا ناري
انا ناكسه لدراي
والي يجلس معاك حماري



وخلص الكليب ذي الاجوديه وقلبوها كليبات غربيه Tpb05 وطلع له عبيد امريكان يغنون Tpb08 وما بقا الا شوي ويتمصلخون Tpb04 ، وطلع له ذا السحليه الي وجهه تقل نعله ماطيه وغنى اغنيه اظن كلماتها مكتوبه بحمام ، كلها جنس وسفاله وخمام والتصوير غايه في القذراه واللبس قمه في الفهاره وماغير حشو من الحركات الجنسيه والاثاره
وسئلت هديل ابوها ببراءه
بابا وث معنى : هي ثكثي ليدي ؟ >>> Tpb04
Tpb07Tpb07 يعني مسيتس بالخير يا خاله Tpb02 <<< يقاله صرفها
زين بابا اذا ثفت حالتي بقول له : هي ثكثي ليدي Tpb01
لا لا تفضحينا عند خالتس الله يفشلتس Tpb04 هذي ما تقال الا لخالات الامريكان بنات الكلب الله يلعنهم ويلعن من خلفهم ويلعن من ارثهم ويلعن من انسلهم

وخلص الكليب ابن الكلب وجا كليب اكلب منه Tpb02 وطلع ذا الي وجهه تقل كنداسه ملحمه ستين مره ومناحسه pb010 وكلماته شويه عليها قولة اباحيه وكل هرجه عن الي تحت الملابس الداخليه والتصوير نصه بالحمام ونصه بالفراش وقال ابو هديل خلاص ما بدهاش

وشال الدش ورجع انتل التلفزيون ، وقال بقريح الي يطير بسبيس تون وطلع له سليمان العيدي كالعاده يتميلح ويرز المرازيم ونزل فيه تحبيب وتجغيف وتخميم وقال والله ان شوفتك اصرف من شوفة جنفر لوبيز واتنثر لك يابوالسلمون واغدي لك خرقه وبيز



انتهى الموضوع وعندي كلمتن صغيره ودي اقولها يا جماعه ، ترا الصغير مثل العجينه اللينه واي شي يشوفه قدامه ينطبع في عقله ويعتقد انه صحيح ، وتخيلو انتم طفال من صغرهم يشاهدون يوميا ذي الكليبات الغربيه الي مليانه مشاهد قذره وكلام اقذر و والله انها ما تختلف في المضمون عن قنوات آخر الليل ، فبالله عليكم وش بتكون اخلاق هذولا الاطفال لما يكبرون ويوصلون لسن المراهقه
منيب اقول شيلو الدش ولكن اقول نظفوه من بعض القنوات واختارو لاطفالكم الشي الي ترضون انهم يتربون عليه وسلامتكم Tpb08
خلاص خلصت يالله